ÚLLÓNOLLÓ

Eignarfall

possessive form/genitive

 

Eignarfall í ensku er myndað annaðhvort með forsetningunni of eða með eignarfallsendingunni 's og ' (aðeins eignarfallskommu).

 

S-eignarfall er aðallega notað um lifandi verur (persónur og dýr): 

the boy's shoes - the dog's tail - Mary's lipstick.

 

S-eignarfall er notað í vissum orðasamböndum, sem mörg tákna tíma og vegalengd: 

an hour's wait - a stone's throw - for mercy's sake.

 

S-eignarfall er líka notað með nöfnum á stofnunum, borgum og löndum: 

St. Paul's - London's history - America's foreign policy.

 

Of-eignarfall er algengara en s-eignarfall. Það má nota um flest, einnig persónur og dýr, en of-eignarfall er algengast, þegar um er að ræða hluti, hugmyndaheiti yfirleitt og efna- eða tegundaheiti: 

the legs of the table - the progress of the human race - the colour of gold.

 

Ákveðinn greinir the er yfirleitt notaður fyrir framan nafnorð sem stýra of-eignarfalli: 

the author of the book, höfundur bókarinnar.

 

Í samsettum orðum og hópheitum kemur s-eignarfall aftast: 

my sister-in-law's birthday - Romeo and Juliet's love.
The Queen and King of England´s daughter = dóttir drottningarinnar og konungsins af Englandi.

 

Hvar setjum við kommuna (the apostrophe) í s-eignarfalli?

 

Í eignarfalli fleirtölu þeirra nafnorða, sem mynda fleirtölu með s kemur komman á eftir s-inu, annars kemur hún á undan því:

 

the baby's hands - hendur barnsins

the babies' hands - hendur barnanna

the bird's wings - vængir fuglsins

the birds' wings - vængir fuglanna

the man's legs - fætur mannsins

the men's legs - fætur mannanna

 

 

Sérstakur framburður:

Þegar 's er bætt við orð, sem endar á blísturshljóði (einskonar s), þá er s-eignarfallið borið fram sem sérstakt atkvæði [iz]: George's car - someone else's house - the fox's hole.

 

Sérkennilegt fyrir enskuna er tvöfalt eignarfall, of-eignarfall með s-eignarfalli (eða eignarfornafni), ef á undan fer óákveðinn greinir, óákveðið fornafn, ábendingarfornafn eða töluorð. Aldrei er ákveðinn greinir notaður á undan slíkum samböndum: 

a friend of my sister's (:one of my sister's friends).

 

 

Æfing 1 (ef þú nærð yfir 80% máttu halda áfram)